Miongozo kwa kila hatua ya biashara yako ya hotspot

Kuanzia kujisajili hadi mteja wa kwanza kulipia, hatua kwa hatua.

1. 1

   Jisajili upate majaribio bure

   Wapi: siscohotspot.com → Anza Majaribio Bure

   • Jaza jina lako, jina la biashara, barua pepe, namba ya simu na nenosiri.
   • Kwenye "Utatumia mfumo wa WiFi kwa ajili gani?" chagua "Kuuza intaneti (hotspot)".
   • Tengeneza akaunti. Unaingia moja kwa moja kwenye dashboard; hakuna barua pepe ya kusubiri.

   Kidokezo: Majaribio ni ya mpango wa Starter (router 1). Lipia mpango kabla majaribio hayajaisha ili uendelee kutumia mfumo.

2. 2

   Andaa router ya MikroTik

   Wapi: Kwenye router (WinBox)

   • Tumia MikroTik yenye RouterOS 7, tarehe na saa sahihi.
   • Chomeka waya wa intaneti kwenye ether1 (WAN). Access point na switch za wateja ziende ether2 na port nyingine.

   Kidokezo: Command ya kuunganisha inafanya backup yenyewe, kisha inajenga upya upande wa wateja (ether2 na kuendelea): DHCP, DNS, hotspot na portal. Unatumia TP-Link Omada (EAP) badala ya MikroTik? Fuata "Muunganisho wa TP-Link Omada" hapa chini.

3. 3

   Ongeza router kwenye mfumo

   Wapi: Dashboard → Ongeza Router (au Routers → New)

   • Ipe router jina, mfano "Duka la Kariakoo".
   • Vendor: MikroTik. Acha sehemu za API wazi; hatua inayofuata inazijaza.
   • Bonyeza Create.
4. 4

   Unganisha router kwa command moja

   Wapi: Routers → router yako → Kituo cha Kuunganisha

   • Bonyeza "Tengeneza Complete Automatic Command", kisha "Nakili Command".
   • Fungua WinBox → New Terminal, bandika command na ubonyeze Enter. Subiri imalize (dakika 1 - 3).
   • Rudi kwenye website, bonyeza "Kagua Kama Installation Imekamilika" mpaka uone INSTALL_COMPLETED.

   Kidokezo: Command ni ya router hiyo pekee, inatumika mara moja na inaisha baada ya dakika 15. Ikiisha, tengeneza mpya.

5. 5

   Leta hotspot profiles

   Wapi: Routers → router yako

   • Bonyeza "Sync All" (au "Sync Hotspot Profiles").
   • Hakikisha profile inaonekana kwenye Hotspot Profiles.

   Kidokezo: Orodha ya "Anza hapa" kwenye dashboard inaweka alama ✓ kwenye hatua hii ikishaona profile.

6. 6

   Tengeneza vifurushi

   Wapi: Packages → New

   • Jina (mfano "Saa 3") na aina: muda au data.
   • Bei (Selling Price), muda (Duration) na kasi (Download / Upload Speed).
   • Shared Users / Devices: 1 inazuia watu kushirikiana code moja.
   • Washa "Package Active" na uhifadhi.

   Kidokezo: Ukiwasha "Start on First Login", muda unaanza mteja anapoingia mara ya kwanza, si siku ya kuchapisha vocha.

7. 7

   Unganisha malipo ya simu (hiari)

   Wapi: Payment Gateways → New

   • Chagua mtoa huduma: DaliPay au PalmPesa (zote zinatumika kila siku). ClickPesa, Selcom na AzamPay pia zipo; wasiliana nasi kabla ya kuziwasha.
   • Weka funguo ulizopewa na mtoa huduma, hifadhi.
   • Portal inaonyesha "Lipa kwa mitandao hii"; mteja akilipa, code yake inawashwa yenyewe.

   Kidokezo: Unaweza kuruka hatua hii: wateja wanaweza kutumia vocha unazochapisha.

8. 8

   Tengeneza na uchapishe vocha

   Wapi: Voucher Batches → New

   • Chagua Router, kifurushi (Package) na idadi (Voucher Quantity), kisha hifadhi.
   • Fungua batch, bonyeza "Print Vouchers" na uchague mpangilio: A4, A5, thermal 80 / 58 mm au kadi.
   • Kila vocha ina code kushoto na QR kulia. Zikate, uziuze mwenyewe au kupitia mawakala.

   Kidokezo: A4 inafaa printer ya kawaida; thermal ni ya printer ya risiti.

9. 9

   Fanya portal iwe yako

   Wapi: Menyu → Muonekano wa portal, na Menyu → Matangazo

   • Weka picha ya juu, rangi zako, jina la portal, ujumbe wa karibu na namba ya msaada.
   • Weka tangazo (na picha ukipenda); wateja wanaliona kwenye portal na kwenye TV janja.
10. 10

    Jaribu kama mteja, kisha anza kuuza

    Wapi: Simu yako

    • Unganisha simu kwenye WiFi ya hotspot; portal inafunguka yenyewe.
    • Andika code ya vocha (au lipia kifurushi kwa simu) na ubonyeze kitufe cha kuunganisha.
    • Dashboard inaonyesha "Online Sasa", vocha zilizopo na mauzo ya leo.

    Kidokezo: Portal isipofunguka, fungua http://neverssl.com kwenye browser.